السلام عليكم يافتوكات
انا ام ومش شاطرة خالص فى الطبخ بس لقيت عندكم وصفات تشجعنى ان شاءالله
قلت اقولكم على اكلة بعملها كتير وجوزى وولادى بيحبوها
ارز صيادية بالكبدة(كبدة بقرى مش كبد فراخ)
نمشى واحدة واحدة
1-جيبى نصف كيلو كبدة وتقطيعها قطع صغيرة وتغسليها كويس وسيبيها تتصفى (خليها على جنب شوية مش عايزينها دلوقتى)
2-جيبى بصلتين متوسطتين وقطعيهم قطع صغيرة جدا او ابشريها براحتك
3-اقدحى زيت فى حلة الطبخ وبعد القدح حطى البصل المتقطع وملح بسيط وفلفل وقلبى لحد البصلة ماتغمق خاااااالص
تكاد تكون سودا مش صفرا يعنى بس الحقيها قبل ماتتحرق
4-حطى الكبدة على البصل اللى فى الحلة وقلبيها لحد لونها مايتغير وحطى نص كوباية ماية
5-فى الاثناء دى اغسلى الرز(حوالى 3او4كوبايات رز)وبعد غسيله حطيه على الكبدة اللى بالبصل فى الحلة
6- كملى بقى طريقة الرز العادية اظبطى الميه والملح وقلبيه وغطيه ولما يتشرب حطيله الشياطة ولما يستوى بالف هنا وقوليلى رايك
ملحوظة الارز لونه هيطلع بنى متخافيش هو كده صح
وممكن تاكلى جنبه بطاطس محمرة او مخلل
الوصفة دى تكفى 4افراد قللى او زودى حسب عدد افراد اسرتك
سلام ياحلوات
الرئيسية 
أحدث الصور 
التسجيل 
دخول 
الأحد سبتمبر 26, 2010 1:54 pm
