قولولي برك وعلاش....

السلام عليكم

اليوم راني تقلقت من بعض التصرفات وهذا الشيء خلاني نكتب هذا الموضوع في ركن التقرعج....

وعلاش حنا الانسان منا كي يحكم بلاصة يخدم فيها يبانلوا الشان

نقوللكم كيفاش

كل عامل يعمل في مصلحة

كي اجي طالب أو مواطن يطلب خدمة من العامل يشنف عليه ومعندوش حسن اللباقة

وحسن التصرف، تسقسيه على حاجة يطير فيك تقولي راح يخدم بسيف

ولا مزي عليك، راه ناسي بلي راه يخدم عندك ولازم يسهر على راحتك

هذا الشئ تلقاه في كل مكان حتى فالجامعة والحانوت البسيط

يخي عقلية

نشاء الله تكونوا فهمتوني

شكرا

والله ياختي هذا
كان مشكل واصبح عادة يتسم بها جل الناس
والله غالب



وشكرااا على الموضو ع الجدي الذي يحمل مشكلة واضحة

العفو أختي هذا هو الواقع للأسف

نتمنى ربي يهديهم

لوكان كل واحد يخدم خدمتوا منوصلوا لهذي المشاكل والاضرابات

لازم علينا نأدوا واجبنا باش نطلعوا بلادنا

ومنحتكروش المركز واعود ملكنا

هناك حقوق وواجبات

تنتهي حريتي عند بداية حرية الآخرين